中史「主因題」題型答題技巧

如果有留意開我哋 Meta Learning 嘅 ig post，你應該會知我地問過關於鴉片戰爭成因的問題，唔知修中史嘅你又識唔識做呢?唔好認為呢種題目同你地考中國歷史文憑試無關係啊，佢哋可以喺中史卷乙部化身為幾種 DSE常見的題型嚟考大家，當中就包括主因題。

主因題技巧話你知 – 賴

講起主因題就一定唔可以忽略中史2014 DSE 中史卷一就問過大家「八國聯軍爆發的原因」，究竟係清政府無能定係列強的入侵」呢一題，但你有冇諗過鴉片戰爭的成因都可以問主因題?

在中史文憑試裡，我哋要識一種叫做「賴」的技巧。所謂「賴」就係我哋知道導致一件事嘅發生係有好多的原因，例如導致到 A事件發生嘅原因係1、2、3、4，當我地搵做主因題時，就要先確立一個影響最大嘅原因，例如係1號原因，除左要講1號原因點樣導致到A事件發生外，我地仲要用到「賴」呢個技巧，將2、3、4呢3個原因嘅發生，全部歸納為係因為1號原因所導致。

DSE 鴉片戰爭15分試題：3正1反答題法

以鴉片戰爭的主因題為例，假如問你「究竟中國係咪應該為導政鴉片戰爭爆發負上最大原因呢?」，而呢一題佔15分，你可以點答?
15分題，我地最好就係要有三正一反四段。當中三個正論，我哋必須要用到「賴」呢個技巧。例如我哋大家都知道鴉片戰爭的爆發有好多原因：貿易差距啦、外交差異啦、鴉片問題啦等等，咁我地要做嘅就係將所有原因都「賴」落清廷度，例如：

點解有外交差異? 咪就係你視自己為「天朝上國。」

點解有貿易問題，咪就係因為清廷一廂情願認為貿易「加惠遠人」，搞埋限制。

答題時，只要我哋係份試卷上不停咁「賴」，就可以完成整個正論。記住唔好為左賴夾硬創造史實! 唔好創造史實! 唔好創造史實!唔好創造史實! (重要嘅嘢講三次是常識吧!) 。當然啦，中史DSE的主因題我哋都要寫駁論嘅，咁方法就係要搵多一個主因出黎，再指出另一個主因嘅重要性不大，都係我地主因影響力最大就得架啦。

如果想知多啲我哋由5星星歷史系導師專科專教的DSE中史的課程，請留意我地 ig 或者按此看看詳情！